娱乐​独家丨佘诗曼不强求姻缘,演“Man姐”太狠吓到马国明“投诉”

​独家丨佘诗曼不强求姻缘,演“Man姐”太狠吓到马国明“投诉”

两届“视后”佘诗曼相隔6年重返“娘家”拍台庆剧《新闻女王》,霸气“Man姐”一角获赞演技老练兼超班,热捧为视后大热门。久未在港宣传的阿佘兴奋自爆拍摄时好入戏,更曾吓到马国明及邓智坚。她坚持演出入肉并非想打低邓萃雯成为首三届视后,只想开心地省靓自己“招牌”。至于芳龄48仍然单身,阿佘答得轻松,“有咪有,冇咪冇囉。”

1997年港姐季军入行的佘诗曼,在TVB共夺11个奖成为全台NO. 1,虽有丰富演戏经验,但她坦言“今次好有难度”,皆因每个人都睇过新闻报导,要令观众觉得她做到一个似模似样嘅新闻主播唔容易,除事前熟读剧本做足功课,亦曾跟监制到新闻部考察,坐上主播台体验20分钟,但她还嫌练习不够,主动要求加时,于新闻部的模拟新闻中心努力操练声线、语速、语气、表情及坐姿等。

阿佘虽然有气场,但对人好温文。

▲阿佘虽然有气场,但对人好温柔。

演得投入绝非为奖

阿佘自爆演“Man姐”太投入,凶狠地发完恶,剧组嗌Cut机后,对手马国明及邓智坚忍唔住“投诉”佢:“吓死我喇…Man姐”,阿佘听完啼笑皆非:“咁嗰场戏要咁嘛,其实佢唔係恶係揸紧原则,坚持嚟做嘢唔係识朋友。”语毕马上澄清现实绝对唔会咁样对人。对于演到被对手“诈型”,是否想刷新纪录成为首位3届视后?她笑说冇谂咁多嘢:“只要角色能深入民心得到认同就算成功,套戏做到有口碑及讨论性经已係最大得著,过程比奖项重要,不过,我重视每个奖项,亦多谢大家支持。”

力撑何广沛没肚腩

对于床戏对手何广沛被网民弹肚腩摺起唔够fit,阿佘忍唔住大平反:“何广沛瘦到死边有肚腩呀?其实佢好努力,好佩服佢嘅意志力及坚持,为咗瘦身拍床戏,食咗3个月烚鸡胸,更完全唔受‘万岁’嘅美食引诱。”至于何依婷被评戏屎,她认为如果演得唔好,就唔会有咁多话题性,仲赞佢係一个聪明嘅女仔:“合作第一日见佢有啲紧张,加上未摸熟角色有啲未进入状态,当提咗佢两日唔好用错重心,之后开始有进步。”她强调新人一步步行上嚟係要有阶段,正如她1999年首次拍剧《雪山飞狐》担正女一演“苗若兰”,亦曾被狠批唔识做戏及鸡仔声难顶:“听完负评梗係会唔开心啦,既然签咗约要继续做,唯有想办法改善。”

一个人绝对不孤单

48岁佘诗曼红足26年有名又有利,提及目前人生目标,她答得轻鬆:“开心及健康就够,更何况自己锺意做嘅嘢变成事业,经已好快乐,仲想点呀?至于有冇终身伴侣反而好随缘,有咪有,冇咪冇囉,唔会刻意强求,係你就係你㗎喇。”她坚称绝不孤单,更霸气地说:“我每一日都好开心,因为容易满足,活在当下,正如当年喺沙漠拍《火舞黄沙》,风沙餸饭都係有趣经历,能够做到开心嘅嘢自然唔觉辛苦,唯一遗憾係多年嚟冇时间学滑水及滑雪,感受唔到好free嘅感觉。”

以上内容来源于网络,不代表呱探网观点。

RELATED ARTICLES

留下一个答复

请输入你的评论!
请在这里输入你的名字